ଅଭୁଲା ମୁହୂର୍ତ୍ତ

ଅଭୁଲା ସେ ସ୍ମୃତି ବୋଉକୋଳେ ଯେବେ

ଥିଲି ଛୋଟଛୁଆ ହୋଇ,

ଆଉ କି ପାଇବି ସେ ଅଭୁଲା ଦିନ

ଯାଇଛି ଅତୀତ ହୋଇ l

ଆଉ କି ଫେରିବ ଅପାସୋରା ଦିନ

ବାବାଙ୍କ କାନ୍ଧରେ ବସି,

ଯାତ୍ରା ଦେଖିବାକୁ ସଜବାଜ ହୋଇ

ହଉଥିଲି କେତେ ଖୁସି l

ଭାଇ ଭଉଣୀଙ୍କ ରାମ୍ପୁଡ଼ା କାମୁଡା

ପୁଣି କେତେ ଖୁସି ଗପ,

ବୋଉନିଦ କାଳେ ଭାଙ୍ଗିଯିବ ବୋଲି

କଥାହଉ ଅଳ୍ପ ଅଳ୍ପ l

ସକାଳୁ ସକାଳୁ ଆଖି ମଳି ମଳି

ଟିୟୁସନ ନଯିବା ପାଇଁ,

ପେଟ କାଟିବାର ମିଛ ଅଭିନୟ

କରିବାର ବେଳ ନାହିଁ l

ବଉଳ, ମକର, ଇଟଳା, ଟଗର

ମିଳାମିଶା ଥଟା, ମଜା,

ମେଘବର୍ଷା ହେଲେ ଗୀତ ଗାଉଥିଲୁ

ଉଖୁର ମାଇଲା ଗଜା l

ପଉଷ ଜାଡରେ ସଞ୍ଜ ଓ ସକାଳେ

ଜେଜେମା କୋଳରେ ଧରି,

ତେଲ ମାରି ଆମେ ନିଆଁ ପୂଁ ଥିଲୁ 

ବୋଉ ଦେଲେ ନିଆଁ କରି l

ପୁନିଅଁ ପର୍ବରେ ସାଙ୍ଗସାଥି ହୋଇ

ଫୁଲ ଚୋରି ଯାଇ କରୁ,

ଦେଖିଦବ କିଏ ବାନ୍ଧିକି ପିଟିବ

ତୁଚ୍ଛା ଟାରେ ପୁଣି ଡରୁ l

ସେ ସ୍ମୁତି ନିଆରା ଶୀତୁଆ ଖରାରେ

ମେଳ ହୋଇ କରି ଖାଉ,

ବଉଳ ଗଈଂଥା କେବେ ପୁଣି କେବେ 

ଶୁଖୁଆ ଭଜାକୁ ଜାଉ l

ଖରାଛୁଟି ହେଲେ ବୋଉ ସାଙ୍ଗେ ମିଶି

ଯାଉଥିଲି ମାମୁଁଘର,

ଭୁଲିକି ପାରିବି ସେହିଦିନ ଆଉ

ଗଲାଣି ଯା ବହୁଦୂର l

ଗେଲବସରର ପିଲାଦିନ ମୋର

ସ୍ମୃତି ତାର ଅପାସୋରା,

ଭାବିବାଟା ଖାଲି ତୁଚ୍ଛ ହେବ ସିନା

ଫେରିବନି କେବେ ପରା l