ଅଭିନୟ

ଜନ୍ମ ମୃତ୍ୟୁର ବ୍ୟବଧାନ ମଧ୍ୟରେ

ସ୍ବ କର୍ମ ପାଣ୍ଡୁଲିପି

ଭୌତିକ ସଂସାରେ ମିଛ ଅଭିନୟ

ସମସ୍ତଙ୍କୁ ତାହା ପ୍ରାପ୍ତି ।

ଜୀବନ୍ତ ନିଖୁଣ ଅଭିନୟ କରି

ରଙ୍ଗ ମଞ୍ଚେ କଳାକାର

ମନୋରଞ୍ଜନ ଦେଖାଇବା ତା ଧର୍ମ

ବୃତ୍ତିରେ ହସେ ସଂସାର ।

ଜୀବନ ସଙ୍ଗୀତ ସାତ ସୁରେ ବନ୍ଧା

ରୂପ ରସ ଛନ୍ଦ ମିଶି

କର୍ତ୍ତବ୍ୟ ଅଭିନୟେ ମାଧୁର୍ଯ୍ୟ ଥିଲେ

ସଂସାର ଭରିବ ଖୁସି ।

ଭିକାରୀ ଭିକାରୁଣୀ ଗରୀବ ଧନୀ

ଅଭିନୟ ଭିନ୍ନ ଭିନ୍ନ

ପେଟ ପାଇଁ ନାଟ ବଞ୍ଚିବାର ରାହା

ଏଇ ସଭିଙ୍କ ଜୀବନ ।

ମାୟାର ପାଚେରୀ ନିର୍ମାଣ ହୋଇଛି

ତ୍ରିଗୁଣରେ ବନ୍ଧା ମଞ୍ଚ

ଅଭିନୟ ସାରି ବାହୁଡିବେ ସର୍ବେ

ସାଥିରେ ପାପର ଘଞ୍ଚ ।