ଆସୁ ସତ କହିବାକୁ ବଳ ଓ ଭାବନା

ପାଇଛି ମଣିଷ ଜନମ ଯାଏ ପାଶୋରି

ସଂସାର ହାଟରେ ହୋଇଛି ପରା ସଂସାରୀ ।

ସ୍ୱାର୍ଥ ଲୋଭର ନିଶା ଭୁଲାଇଛି ମୋତେ

ମାୟାରେ ପଡି, ଭୁଲିଛି ମଣିଷତ୍ୱର ମାନ କେତେ !

 

ପିତା ମାତା ମୋର ପରା ସାକ୍ଷାତ ଭଗବାନ

ତାଙ୍କୁ ଭୁଲି ମୁଁ ପଥିକ, ମନ୍ଦିର ମସଜିଦ ସ୍ଥାନ ।

କାମିନୀ କାଞ୍ଚନ ମୋର ମନକୁ ମୋହିଛି

ଅକର୍ମ ଯେତେ କରି ପାପ ପଙ୍କେ ବୁଡୁଛି ।

ଭାବୁଛି ମନେ, ମନ୍ଦିର ମସଜିଦ ଗୀର୍ଜାକୁ ଯାଇ

ପାପରୁ ଉଦ୍ଧାର ପାଇବି, ମୁକତି ଲଭିବି ମୁହିଁ ।

 

ଏ ଭରା ଯଉବନ ଧନର ଗରବ ଉଛୁଳି ପଡିବ

ଭୋଗିବି ମୁଁ ଦୁଃଖ ମଲାବେଳେ ଶାନ୍ତି ନମିଳିବ ।

ତେଣୁ ସଞ୍ଜ ସକାଳେ କରୁଛି ମୁହିଁ ଏ ପ୍ରାର୍ଥନା

ଆସୁ ସତ କହିବାକୁ ବଳ ଓ ସଦବୁଦ୍ଧି ଭାବନା ।।