ଆସିଛି ରଜ
ଆସିଛି ରଜ
1 min
151
ବରଷକ ପରେ ଆସିଛି ରଜ
କାହାରି ମନରେ ନାହିଁ ସରାଗ
ବନସ୍ତରେ ଆଉ ଡାକୁନି ଗଜ
ଉଜୁଡି ଗଲାଣି ସବୁ ମଉଜ ।
ଫିକା ଫିକା ଲାଗେ ପର୍ବ ପର୍ବାଣି
ମହାମାରୀ କୋପ ଦେଲା ଉଜାଡ଼ି
ଗାଁ ତୋଟାମାଳେ ଦୋଳି ଆସର
ଯମୁ ନାହିଁ ଆଉ ତାଆସ,କବାଡ଼ି ।
ଘର ଘର ବୁଲି ରଜ ପାଳିବା
ପିଠା,ମିଠା ମିଶି ସୁଖେ ଖାଇବା
ହଜିଗଲା ସେଇ ପୁରୁଣା ଦିନ
ସେବେର ସରାଗ ନାହିଁ ଏସନ ।
ଦୁଇ ବର୍ଷ ହେଲା ବନ୍ଦୀ ଜୀବନ
ମୁଖେ ତୁଣ୍ଡି ପୁଣି ଲକଡାଉନ
ଘରୁ ବାହାରକୁ ଯିବାକୁଯେ ମନା
ସୁସ୍ଥ ରଖିବାକୁ ଆମ ଜୀବନ ।
ଘରେ ରହି ଆମେ ପାଳିବା ରଜ
ମନ ଖୁସିକରି ହୋଇବା ସଜ,
ବାହାରକୁ ଗୋଡ଼ କାଢ଼ିବା ନାହିଁ
ତୁଚ୍ଛାକୁ ବିପଦ ବରିବା କାହିଁ ।