ଆସିବନି ଫେରି
ଆସିବନି ଫେରି
1 min
149
ଗତକାଲି ଯାହା ବିତିଯାଇଅଛି
ନଥାଏ କାହାର ହାତ
ଝରିଝରି ଆମେ ଝରିଯିବା ସିନା
ଆସିବକି ଫେରି ସତ।
ଫୁଟିଗଲା ଫୁଲ ହୁଏ ନାହିଁ କଢି
ଥରେ ଯାହା ଘଟିଯାଏ
ବୋହିଗଲା ପାଣି ଫେରିଆସେ ନାହିଁ
ବିହି ଯାହା ଲେଖିଥାଏ।
ଦୁଃଖ ପରେ ସୁଖ ଆସିବ ବୋଲିତ
ମନରେ ରଖିବ ଆସ
ଦୁନିଆଁ ଦାଣ୍ଡରେ ଛିଡାହେବା ପାଇଁ
ସପନରେ ହୁଅ ବସ।
ବିତି ଯାଇଥିବା ସେହି ମୂହୁର୍ତ୍ତକୁ
ସ୍ମୃତିର ଅକ୍ଷରେ ଲେଖ
ବାରବାର ସିଏ ଜଳି ଉଠୁଥିବ
ହୃଦୟ ଫରଦେ ଦେଖ।
ଅତୀତ ଆମର ପୋଡା ଅଙ୍ଗାର ତ
ଦେଇଥିଲା ଯେତେ ଦୁଃଖ
ପଥର ଚଟାଣେ ଫୁଟାଇବା ଫୁଲ
ଏକକୁ ଆରେକ ସୁଖ।