ଆସ ସ୍କୁଲ୍ ଯିବା

ଆସ ଆମେ ସ୍କୁଲ୍ ଯିବା ସାଙ୍ଗସାଥୀ ହୋଇରେ,

ସ୍କୁଲ୍ ବେଳ ହୋଇଲାଣି ଡେରିକର ନାହିଁରେ ।

ପ୍ରାର୍ଥନା ପୂର୍ବରୁ ଯଦି ପହଞ୍ଚିବା ସଅଳ,

ଖେଳ ଆମ ଜମିଯିବ ନଥିବଟି ଗହଳ ।

ଦୋଳି ଖେଳ ଭାରିମଜା ବସିଗଲେ ସେଥିରେ,

ଲାଗିବ ସତେ ଉଡୁଛି ପବନର ସାଥୀରେ ।

ଉଠାପକା ଖେଳଟାତ ଭାରିମଜା ଲାଗିବ,

ସାଙ୍ଗସଙ୍ଗେ ସେ ଖେଳଟା ଜମାଣିଆ ହୋଇବ ।

ଲୁଚାଲୁଚି ଖେଳମଜା କହିଲେ ନ ସରଇ,

ଚୋରପୋଲିସ ଖେଳତ ତାଠାରୁ ବି ବଳଇ ।

ପିଲାପାଇଁ ଯେତେ ମଜା ସବୁଅଛି ସେଇଠି,

ଏତେ ସୁଖ ଦୁନିଆରେ ନାହିଁ ଆଉ କେଉଁଠି ।

ସାଙ୍ଗସାଥୀମେଳ ସହ ଶିକ୍ଷକଙ୍କ ତାଗିଦା,

ସବୁଥିରେ ଥାଏ ମଜା ନିଆରା ସେ କାଇଦା ।

ଖେଳ ସହ ଆମେସେଠି ପାଠ ବସି ପଢ଼ିବା,

ପାଠପଢ଼ି ନିଜେନିଜ ଜୀବନକୁ ଗଢ଼ିବା ।

ଜୀବନର ସାଥୀପାଠ ରାହାସିଏ ଦେଖାଏ,

ଏତେବଡ ଦୁନିଆରେ ବଞ୍ଚିବାକୁ ଶିଖାଏ ।

କିନ୍ତୁହାଏ ଦୁଃଖ ଆମ ସ୍କୁଲ୍ ଏବେ ଖୋଲୁନି,

କରୋନାରେ ଘରେରହି ବୋର ଆମେ ହେଲୁଣି ।

ଠାକୁରଙ୍କୁଡାକୁ ଡାକୁ ଯାଉ ଶୀଘ୍ର ଏଇ କରୋନା,

ସ୍କୁଲ୍ ତାଲା ଖୋଲାଯାଉ ଆଉ ଡେରି କରନା ।