ଆସ ଆମେ ବୁଲିଯିବା

ହିପ୍ ହିପ୍ ହୁରରେ, ଗାଡି ଯାଏ ଗଡିରେ,

ଜୀବନର ଚଲାପଥେ ଅଙ୍କାବଙ୍କା ରାସ୍ତାରେ |

ଜୀବନଟା ସତେ ଅବା ଚୁଲ୍ ବୁଲି ଝରଣା,

କେବେ ହଜିଯିବ କାହିଁ ନାହିଁ ତାର ଠିକଣା |

ଯେତେ ଦିନ ଜୀଇଁଥିବା ଖୁସି ଆମେ କରିବା,

ଖୁସିର ପିଆଲାରେ ଏ ଜୀବନକୁ ଭରିବା |

ସାଙ୍ଗସାଥୀ ବୁଲିଯିବା ଆସ ଆମେ ଏକାଠି,

ବାହାରେ ରହିଛି ବହୁ ନୈସର୍ଗିକ ଶୋଭାଟି |

ହାତ ଠାରି ଭସାମେଘ କହେ ସେତ ଆମକୁ,

ଘରେ ଖାଲି ରୁହ ନାହିଁ ଆସ ମୋର ପାଖକୁ |

ଦରିଆର ନୀଳଢ଼େଉ ମଥା ପିଟି କୂଳରେ,

କହେ ଦୂରେ ନୁହେଁ ଆସି ଖେଳ ମୋର ସାଥୀରେ |

ବାଟରେ ଆମେ ଅନେକ ସାଙ୍ଗସାଥୀ ଭେଟିବା,

ହ୍ୟାଲୋ,ହାଏ,କହି ତାଙ୍କ ସାଥେ ଆମେ ମିଶିବା |

ବୁଲିବାରେ ମଜା କେତେ ସେଇ ଏକା ଜାଣିଛି,

ସାଙ୍ଗସାଥୀ ସହ ଯିଏ ବୁଲିବାକୁ ଯାଇଛି |