ଆରମ୍ଭ

ନିମିଷକେ ବିତେଇଥିବା ଜୀବନରୁ ସାଉଁଟୁଥିବା କଳରବ..

ସଜେଇ ହେଇ ବିତେଇଥିବା ରଜନୀର ଆବାହନ.....

ଉତ୍ତଙ୍ଗ ଶୀଖରୁ ଫେରୁନଥିବା ଦୃଶ୍ୟମାନର ପ୍ରହେଳିକା ...

କଣ ଏମିତିଥିଲା ଯେ??

କମ୍ ପଡିଲା ଯେତେକ ବାତ୍ସଲ୍ୟ ପ୍ରେମ ?

ତା ସହିତ ପୁଣି ବି କମ୍ ପଡିଲା 

ବିତେଇଥିବା କଅଁଳ ଶେଜରେ 

ଆ ଜହ୍ନମାମୁଁ ସରଗ ଶଶୀ?

ତ ନିର୍ଜଳା ଓପାସ କରୁଥିବା 

ରବିନାରାୟଣ ବ୍ରତର ଛାତିଲଗା ପେଟ ..

ପୁଣି ଟାଉଁସା ଝାଳୁଆ ଛାତିର 

ଗଣି ହେଇ ଯାଉଥିବା ପିଞ୍ଜରାହାଡ

ଅବଗୁଣ୍ଠନରୁ ମୁକୁଳିବାକୁ 

ମନା କରୁଥିବାମନ .....

ପକ୍ଷୀଲଗା ଚଢେଇର ଅପଳାପ ଆସ୍ଥାନ ,

ପଛରେ ରହିଗଲା ସିନା ....

ଜୀବନ ମରୁ ପର୍ବତ 

ମରିଚିକା ଉହାଡୁ ହାତଠାରୁଥିଲା.....

ପେଚା କୁନ୍ଥାଣ ସଜନା ଡାଳରୁ 

ରହିରହି ଶୁଭିବା ବେଳକୁ ,

କୋକେଇ ବନ୍ଧା ଶୀତୁଆ ସକାଳ 

ଚିକ୍କଣ କରି ତୋଳୁଥିଲା 

ଆଉ ନଫେରିବାର ଆବାହନୀ ସଂଗୀତ

ଶେଷର ପୁଣି ଶେଷ କଣ

ଆରମ୍ଭର ଅୟମାରମ୍ଭ ମାତ୍ର ସିନା.....