ଆମେ ତୋର ମାଆ ବାପ

ଜନ୍ମ ଦେଇକରି ଚଲା ଶିଖାଇଲେ

ହାତେ ଧରି ତୋର ହାତ,

ଆକାଶର ଜହ୍ନ  ଦେଖେଇ ଦେଖେଇ

 ମାଆ ଖୁଆଇଲା ଭାତ ।

ନିଜେ ଫଟା ପିନ୍ଧି  ଦେହକୁ ତୋହର

 ଆଣିଦେଲେ ନୂଆ କୁର୍ତ୍ତା,

ପର ଘରେ ଖଟି ପାଠ ପଢାଲେ

 ବାପା କରି କେତେ ଚିନ୍ତା ।

ଚାକିରି କରିକି ଅଫିସର ହେଲୁ

 ରହିଲୁ ଯାଇ ବାହାରେ,

କରୋନା ବେଳକୁ ଆସିଲୁ ଘରକୁ

 ରଖ୍‌ଲେ ବି ତୋତେ ଘରେ ।

ମାଆ ବାପା ଭାବି ଦିନେ ହେଲେ କେବେ

କରୁ ନାହିଁ ତୁ ତ ଫୋନ୍,

ବୁଦ୍ଧି ବଣା ‌ହେଲା ଗଲେ ତୋ ପାଖକୁ

ଦେଖି ତୋର ଏହି ଗୁଣ ।

ବାପା ମାଆ ଯେବେ ତୋ ଘର ଯାଆନ୍ତି

 ମାନୁଛ କି ତୁମେ ଏତେ,

ପୁଅ ବୋହୂ ବୋଲି ହସି ଖୁସି କରି

ମାନୁ ଥାଉ ଆମେ ଯେତେ ।

ଯାହା ଦୋଷ କଲେ ମୂର୍ଖ ଲୋକ ଭାବି

କରିବୁ ଆମକୁ ମାଫ୍ ,

ବଡ଼ ଲୋକ ବୋଲି ପାଶୋରି ନ ଦେବୁ

ଆମେ ତୋର ମାଆ ବାପ ।

ଆମେ ତୋର ମାଆ ବାପ ।।