ଆମ ମା",ଆମ ସଂସ୍କୃତି

ମାଆ ହାତ ତିଆରି ଖିରି ପୁରି

ଏ ସବୁ ଦେଶୀ ଲାଗିଲା

ପା'ଭାଜି ଭାଜି ମମୋର ଚାହିଦା

ସହର ଠୁ ଗାଁ ବ୍ୟାପିଲା ।

ତାଳ ସଜ ଜାମୁ ବଇଁଚ କୋଳି

ଗାଁ ରୁ କେବେ ଠୁ ହଜିଲା

ଦହି ବେଲପଣାର ସ୍ବାଦୁଛାଡି

ଥଣ୍ଡା ମାୟାରେ ପଡିଲା ।

ବୁଢିମା କାହାଣୀ ଗାଁ ଲୋକଗୀତ

ଲୋକ ମୁଖରୁ ହଜିଲା

ୟୁ ଟିଉବ ଟିକ ଟକର ଭିଡିଓ

ସଭିଙ୍କୁ ମୋହିତ କଲା ।

ଗାଆଁ ମେଳଣ ଭଜନ କୀର୍ତ୍ତନ

ଏ ସବୁ ଲୋପ ପାଇଲା ।

ଗୀତା ଭାଗବତ ପୁରାଣ ମହତ

ସଂସାରେ ସମାଧି ନେଲା ।

ବହୁ ଚୋରି ଚକାଭଉଁରୀ ଭୁଲି

କ୍ରିକେଟ କ୍ରେଜ ବଢିଲା

ମନପବନ ଜହ୍ନମାମୁଁ ଛାଡି

ଫୋନରେ ଦିନ ଗଲା ।

ଆମ ବ୍ୟବହାର ଆମ ସଂସ୍କାର

ବିଶ୍ବେ କେତନ ଉଡିଲା

ବିଦେଶୀ ସଂସ୍କୃତି ଛାଡି ପୀରତି

"ନମସ୍ତେ" ଟେକ ରହିଲା ।

ମାଆର ମମତା ଜୀବନ ଗୀତା

ଯିଏ ବୁଝେ ସେ ତରିଲା

ତା ସ୍ନେହ ପଣତ ନାଶେ ଆରତ

ମର୍ତ୍ତେ ସେ ସ୍ବର୍ଗ ପାଇଲା ।

ମା'ର ଚରିତେ ସଂସ୍କୃତି ସରିତେ

ଯିଏ ସ୍ନାହାନ କରିଲା

ଜୀବ କର୍ମରେ ମାନବ ସଂସାରେ

ପୁରୁଷୋତ୍ତମ ହୋଇଲା ।

-----------------------------