Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Nirupama Bhattamishra

Others

3.8  

Nirupama Bhattamishra

Others

ଆଲୁଅ ଆଡକୁ

ଆଲୁଅ ଆଡକୁ

1 min
93


ଏତେ ସହଜ ନୁହେଁ ଏଵଂ ନିରାପଦ ନୁହେଁ 

ଏଠି ଏବେ ଚାଲିବାଟା 

ଅନ୍ଧାର ଭର୍ତ୍ତି ରାତିରେ ଶେଷ ହୀନ ରାସ୍ତାର 

ନିରବ ଯାତ୍ରୀଟିଏ ମୁଁ 

ନିରବରେ ଇତସ୍ତତଃ ହୁଏ 

ଅନେକ ଉଠାଣି ଆଉ ଗଡ଼ାଣିରେ 

ପାଦ ମୋର ଟଳମଳ 

ବେଳେ ବେଳେ ଲାଗେ 

ଯେମିତି କି ଭାରସାମ୍ୟ ହରାଇ ବସିଛନ୍ତି ମୋର ସମସ୍ତ ଅବୟବ 

ମେଘ ଆଛନ୍ନ କରିଛି ଆକାଶକୁ 

ଜହ୍ନ ନାହିଁ ଆକାଶରେ ତାରା ନାହିଁ 

ଅନ୍ଧାର ଗ୍ରାସିଛି ସାରା ପୃଥିବୀକୁ 

ଏମିତି ଅନ୍ଧାର ଭିତରେ 

ଦଲକାଏ ଶୀତଳ ପବନ ବି 

ଥରାଇ ଦେଉଛି ଦେହ ଆଉ ମନ 

ଚେନାଏ ଆଲୁଅ ଭ୍ରମ ସୃଷ୍ଟି କରେ ଆଲୁଅର 

ବାଟ କି ଅବାଟ କିଛି ବି ମାନେ ନା 

ଏଇ ମୋର ଅମାନିଆ ପାଦ 

ଯେହେତୁ ଚାଲିବା ତା ଧର୍ମ 

ଦୃଢ ଆତ୍ମପ୍ରତୟର ସହ 

ମାଡିଚାଲେ ଆଗକୁ ଆଗକୁ 

କାଳେ କେଵେ 

ଓହ୍ଲାଇ ଆସିବେ ଈଶ୍ୱର 

ଆଲୋକର ବିନ୍ଦୁଟିଏ ହୋଇ 

ହାତ ଧରି କଢାଇ ନେବେ ଅପହଞ୍ଚ ଦୂରତ୍ୱ !!



Rate this content
Log in