ଆକାଶ

ନୀଳ ଆକାଶର ନୀଳିମା ଭିତରେ 

ନିଜକୁ ହଜାଇ ଦେବି, 

ମନହୁଏ ଆଜି ପକ୍ଷୀଟିଏ ହୋଇ 

ଜହ୍ନ ରାଇଜ ବୁଲିବି |

ଆହା କି ସୁନ୍ଦର ସୁନୀଳ ଆକାଶ 

ସୂର୍ଯ୍ୟ,ଚନ୍ଦ୍ର,ତାରା ମେଳେ, 

ଦିଗହରା ହୋଇ ଉଡିଯିବି ଥରେ 

ଖେଳିବି ଆକାଶ କୋଳେ |

ଜହ୍ନ ଆଲୁଅରେ ତାରାଙ୍କ ଗହଣେ 

ନିଜକୁ ହଜାଇ ଦେବି, 

ଜୀବନର ସବୁ ଦୁଃଖ ଅବଶୋଷ 

ମନରୁ କାଢି ଫିଙ୍ଗିବି |

ଭସା ବାଦଲର ମେଘମାଳା ଦେଖି 

ଆନନ୍ଦେ ହେବି ମଗନ, 

ଆକାଶ ବୁକୁରେ ଇନ୍ଦ୍ରଧନୁ ରଙ୍ଗେ 

ରଙ୍ଗେଇବି ମନ ପ୍ରାଣ |

ସୁନ୍ଦର ସୃଷ୍ଟିର ସୁନ୍ଦର ଶୋଭାରେ 

ତୃପ୍ତହେବ ମୋର ମନ, 

ନୀଳାମ୍ଭୁ ଗଗନ ନିଳୟରେ ହଜି 

ଜୀବନ କରିବି ଧନ୍ୟ |