ଆଜିର ଶିଶୁ କାଲିର ଭବିଷ୍ୟତ
ଆଜିର ଶିଶୁ କାଲିର ଭବିଷ୍ୟତ
ଶିଶୁ ଈଶ୍ବରଙ୍କ କ୍ଷୁଦ୍ର ସଂସ୍କରଣ ସରଳ ବି ନିଷ୍କପଟ
ଦରୋଟି କଣ୍ଠରେ ମଧୁବୋଳା ବାଣୀ ସଭିଙ୍କୁ କରେ ଆକୃଷ୍ଟ ।
ପଡି ଉଠି ଚାଲେ ଠୁକୁଠୁକୁ ଚାଲି ମନମୋହକ ଚାହାଁଣୀ
ଦରୋଟି ହସର ଅପୂର୍ବ ମହକ ସମସ୍ତଙ୍କୁ ନିଏ ଟାଣି ।
ଶୈଶବ ପୌଗଣ୍ଡ ଅତିକ୍ରମି ଶିକ୍ଷା ଆଡକୁ ହୁଏ ଆକୃଷ୍ଟ
ବସ୍ତାନି ବୋଝରେ ବିଳପେ ଶୈଶବ ପାଠ ହୁଏ ମହା କଷ୍ଟ ।
ନୀତି ନିୟମର ନିଗଡରେ ତା'ର ସ୍ୱାଧୀନତା ହୁଏ ଲୋପ
ମାଟି ଖାଇ ଗୋଗୋଷ୍ଠରେ ବଢୁଥିଲେ ନନ୍ଦ ପୁଅ ସିନା ଗୋପ ।
ପିତା ମାତାଙ୍କର ମହତ୍ତ୍ଵାକାଂକ୍ଷାର ଶୀକାର ହୁଏ ଶୈଶବ
ସଂସାର ସଂସ୍କୃତି ଚୁଲିକି ଗଲାଣି ବଡ ଲୋକ ହେବା ଆଗ ।
ଏ ଦେଶର ଶିଶୁ ଶ୍ରମିକ ସାଜୁଛି ଦାରିଦ୍ର୍ଯର କଷାଘାତେ
ଅନାଥ ଶିଶୁର ଶୈଶବ କଟୁଛି ଜରି ଗୋଟାଳିର ସାଥେ ।
ବଡଘରେ ବନ୍ଧା ପଡେ ତା ଶୈଶବ ମାଜେ ଅଇଁଠା ବାସନ
ମାଗଣା ଶିକ୍ଷାକୁ ମଧ୍ୟାହ୍ନ ଭୋଜନ କରେ ନାହିଁ ଆକର୍ଷଣ ।
କନ୍ୟାଶ୍ରମେ କାହିଁ ଯୌନ ଶୋଷଣ ବାଳାକୁ କରେ ଶିକ୍ଷକ
ଚେଙ୍ଖ ଦେଇ କାହିଁ ମାଲିକାଣୀ କରେ କିଶୋରୀକୁ ନିର୍ଯ୍ଯାତିତ ।
ପିତା ମାତାଙ୍କର ଉତ୍ତମ ସଂସ୍କାର ଶିକ୍ଷକର ନୀତି ବାଣୀ
ପାଇ ଶିଶୁ ହେଉ ଭବିଷ୍ୟତ ଆମ ଦେଶ ନେଉ ଆଗେ ଟାଣି ।