ଆଜି ହୋଲି

ଆଜି ହୋଲି

    *********

ହୋଲି ଆସିଅଛି ଚାଲି

   ସବୁ ଭେଦଭାବ ଭୁଲି

ଆସିଛି ପସରା ମେଲି

   ଆଜି ଆଜି କହି ହୋଲି ।। 1

ଇନ୍ଦ୍ରଧନୁ ପରି ରଂଗ

   ବନେଇ ଦେଲାଣି ସାଂଗ

ଫଗୁଣ ବୟସ ପାରୁନାହିଁ ମାପି

   ବୁଢା ବି ଭେଣ୍ଡିଆ ବାଗ ।। 2

ଓଠକୁ କରିଛି ନାଲି

   ପଣତକୁ କରି ନେଳୀ

ନୟନରେ କଳା ଛିଟାଟିଏ ଦେଇ

   ପ୍ରେମିକା ସାଜିଛି ହୋଲି ।। 3

କୋକିଳର ସୁର ନେଇ

   ବକୁଳର ବାସ୍ନା ଥୋଇ

ହଳଦୀ ବସନ୍ତ କାନେ କହୁଅଛି

   ଚିଠି ପାଇଛ କି ନାହିଁ ।। 4

କୃଷ୍ଣ ପ୍ରେମେ ହୋଇ ବାଇ

   ଗୁମାନେ ବସିଛି ରାଇ

ମୃଦୁ ମଳୟରେ କହିଦିଏ କାନେ

   ଏତେ ମାନ କାହିଁପାଇଁ ।। 5

ସୁନାବେଶ ସାଜି ନାଥ

    ଭକତେ କରନ୍ତି ପ୍ରୀତ

ନିତାଇ ଗୌର ରାଧେଶ୍ଯାମ ଜପ

   କରୋନା ହେଉ ନିପାତ ।। 6