ଆଜି ଏ ଉଷାର

ଆଜିଏ ଉଷାର

ଅରୁଣ ଉଦୟ ରାଗ

ବର୍ଣ୍ଣାଳୀ ରଚେ

ହୃଦ ନିକେତନେ ମୋର

ଆସ ପ୍ରିୟତମ

ଆସ ଏଇ ମୁହୂର୍ତ୍ତରେ

ପ୍ରାଣ ଲୋଡେ ଖାଲି

ତୁମ ପ୍ରୀତି ଅନୁରାଗ ।।

ଦେଖ ଏ ସକାଳ

ସଜାଇଛି ଫୁଲ-ଶେଯ

ବିଛାଇ ଦେଇଚି

ନାଲି ଅବିରର-ମୂର୍ଜ

ଆସ ପ୍ରିୟତମ

ଆସ ଏଇ ମୁହୂର୍ତ୍ତରେ

ଦିଗ ଚମକାଇ

ଉଜ୍ଜ୍ବଳ କରି ମାର୍ଗ ।।

ତୁମପାଇଁ ଦେଖ

ପ୍ରକୃତି ଚଳଚଳ

ବିହଙ୍ଗର କଣ୍ଠୁ

ଝରିପଡୁଅଛି

କଳଗୀତି ଅବିରଳ

ଆସପ୍ରିୟତମ

ଆସ ଏଇ ମୁହୂର୍ତ୍ତରେ

ତୁମ ଆଗମନୀ

ଶଙ୍ଖବଜାଏ ଭୃଙ୍ଗ ।।

🌹🌹🌹🌹🌹🌹🌹🌹

କୈଳାସ ଚନ୍ଦ୍ର ପାଢୀ।କୁମାରପୁର

ଭଦ୍ରକ।

==================