ଆଜି ଏ ସାଧାରଣତନ୍ତ୍ର ଦିବସେ

ବିଶ୍ବରେ ମହାନ ମୋ ଦେଶ ଭାରତ

ଅଟଇ ସେ ବିଶ୍ବଗୁରୂ ।

ଜ୍ଞାନ-ବିଜ୍ଞାନ ଓ ସଂସ୍କୃତିର ଶିକ୍ଷା

ବିତରିଛି ସେ ଆଦ୍ଯରୁ ।

ଧୈର୍ଯ୍ୟ-ସହିଷ୍ଣୁରେ ମହାମେରୁ ସମ

ହୋଇଅଛି ସେ ଅଟଳ ।

ସମଗ୍ର ବିଶ୍ବରେ ଏପରି ଭୂଖଣ୍ଡ

ଦେଖିବା ଅତି ବିରଳ ।

ଗୋରା ସାହେବଙ୍କ ଅନେକ ଦୌରତ୍ମ୍ଯ

ସହିଅଛି ଏହି ମାଟି ।

ମୋଗଲ ଶାସନ ଅତି ବର୍ବରତା

ତଥାପି ନାହିଁ ତା' ଇତି ।

ସ୍ଵତନ୍ତ୍ରତା ହେଲା ମୋ ପ୍ରିୟ ଭାରତ

କରିଵହୁ ସତ୍ୟାଗ୍ରହ ।

ତଥାପି ଦୁଃଖର ଅନ୍ତ ଘଟିଲା

ଭୋଗୁଛି କଷ୍ଟ ଅସହ୍ଯ ।

ଦେଶୁ ଚାଲିଗଲେ ଗୋରା ସରକାର

ଛାଡିଗଲେ ତାଙ୍କ ନୀତି ।

ସେହି ନୀତି ଆଜି କର୍ତ୍ତରୀ ସଦୃଶ

କାଟେ ଭାରତୀୟ ଛାତି ।

ହିନ୍ଦୁ-ମୁସଲିମ କଳହ ଲଗାଇ 

ଦେଶ କଲେ ବିଭାଜନ ।

ବିଶାଳ ଦେଶକୁ କଲେ ବିଖଣ୍ଡିତ

କରିଦେଲେ ସର୍ବଶୂନ୍ଯ ।

ଉନବିଂଶ ଶତ ଅଣଚାଶ ବର୍ଷ

ଜାନୁଆରୀର ଛବିଶି ।

ସ୍ବତନ୍ତ୍ର ରାଷ୍ଟ୍ରର ସମ୍ବିଧାନ ନୀତି

ପ୍ରଚଳନ ହେଲା ଆସି ।।

ସ୍ବଦେଶୀ ନୀତିର ବିନ୍ଦୁ ଓ ବିସର୍ଗ

ନ ଥିଲା ତ ସମ୍ବିଧାନେ ।

ଇଂରେଜଙ୍କ ବିଧି-ବ୍ଯବସ୍ଥାର ନୀତି

ରହିଲା ଅନୁଶାସନେ ।

ଇଂରେଜଙ୍କ ପରେ ଆଙ୍ଗ୍ଳ ଭାରତୀୟ

ଶାସନ ଚାଲିଲା ଏଠି ।

ତୋଷାମୋଦ ଆଉ ଚାଟୁକାରଙ୍କର

ରାଜ ଚାଲିଲା ସବୁଠି ।

ନିଜ ନଉକାର ନାଉରୀଆ ଆମେ

ହୋଇଗଲା ଦୁଃସପନ ।

ନୈରାଶ୍ୟର ଘନ ଅନ୍ଧକାର ମଧ୍ଯେ

ବିତିଲା ଦୁଃଖ ଜୀବନ ।

ଇଂରେଜ ଗୋଲାମୀ କରିଲେ ଶାସନ

ପତିଆରା ଜମାଇଣ ।

ଭ୍ରଷ୍ଟାଚାର ଆଉ ଦୁର୍ନୀତି ମନ୍ତ୍ରରେ

କରିଲେ କୁଶାସନ ।

ମୁଷ୍ଟିମେୟ ହାତେ ରାଷ୍ଟ୍ର ସମ୍ବିଧାନ

କରାଗଲା ଯେ ଲେଖନ ।

ସଂଖ୍ଯାଲଘୁ ନାମେ ସଂରକ୍ଷଣ ନୀତି

ଦେଶେ ହେଲା ପ୍ରଚଳନ ।

ସଂଖ୍ଯାଲଘୁଙ୍କର ବଢେ ଉପଦ୍ରବ

ଦେଶ ହୁଏ ଅସ୍ଥିରତା ।

ସାଂପ୍ରଦାୟିକର ଦଙ୍ଗା ସୃଷ୍ଟି କରି

ଭୁଲନ୍ତି ମାନବିକତା ।

ଧର୍ମନିରପେକ୍ଷ ରାଷ୍ଟ୍ର ନାମରେ

ଭାରତ ହେଲା ଇଣ୍ଡିଆ ।

ଇଣ୍ଡିଆର ନୀତି ବିଦେଶୀ ଢାଞ୍ଚାରେ

ଚଲାନ୍ତି କାଣିଷଣ୍ଢିଆ ।

ଧର୍ମନିରପେକ୍ଷ ରାଷ୍ଟ୍ରର ନାମରେ

ଧର୍ମର ହୁଅଇ ହତ୍ଯା ।

ନିରୀହଲୋକଙ୍କୁ ଧର୍ମାନ୍ତର କରି

କରନ୍ତି ପ୍ରଚାର ମିଥ୍ଯା ।

ଗରିବ ଏ ଦେଶେ ହୁଅଇ ଦରିଦ୍ର

ଧନୀ ହୁଏ ଯେ କୁବେର ।

ମଧ୍ୟବିତ୍ତ ଲୋକ ଷଢି-ପାଚି ମରେ

ଏହା ଅଟେ ଗଣତନ୍ତ୍ର ।

ଗଣତନ୍ତ୍ର ଅଟେ ଲୋକମାନଙ୍କର

ଲୋକମାନଙ୍କ ନିମିତ୍ତ ।

ଲୋକତନ୍ତ୍ର ଯେ ଲୋକମାନଙ୍କ ଦ୍ବାରା

ଏହା ଯେ ନୀତି ସମ୍ମତ ।

ସଂକୀର୍ଣ୍ଣ ସ୍ବାର୍ଥରେ ହୋଇ ନୀଚମନା

ଘଟାନ୍ତି କାଣ୍ଡ ବର୍ବର ।

ଗଣତନ୍ତ୍ରର ଯେ କଣ୍ଠରୋଧ କରି

କରନ୍ତି କ୍ଷତି ପ୍ରଚୁର ।

ବିଚ୍ଛିନ୍ନତା ଆଉ ଆତଙ୍କବାଦୀ ଯେ

ଗଣତନ୍ତ୍ର ହତ୍ୟାକାରୀ ।

ଦେଶ ଓ ଜାତିକୁ କରିଣ ଦୁର୍ନାମ

ବିଶ୍ବର ହୁଅନ୍ତି ବୈରୀ ।

ସାଧାରଣତନ୍ତ୍ର ହେଉ ଲୋକତନ୍ତ୍ର

ନ ହେଉ ତ ବ୍ୟକ୍ତି ତନ୍ତ୍ର ।

ଗୋଷ୍ଠୀ ତନ୍ତ୍ର ଆଜି ବାଧକ ସାଜିଛି

ରାଷ୍ଟ୍ରେ ସାଜି ମହାମନ୍ତ୍ର ।

ପରିବାର ତନ୍ତ୍ରେ ରାଷ୍ଟ୍ରର ଏକତା

ହୋଇଛି ଖଣ୍ଡ-ବିଖଣ୍ଡ ।

ଷଡଯନ୍ତ୍ରୀଙ୍କର ଅନ୍ଧାରିଶାସନେ

ସର୍ବେ ଭୋଗୁଛନ୍ତି ଦଣ୍ଡ ।

ନାଗରିକର ମୌଳିକ ଅଧିକାର

ନ ହେଉ କଦାପି କ୍ଷୂର୍ଣ୍ଣ ।

ରାଷ୍ଟ୍ର ସୁରକ୍ଷାରେ ଦେଇ ମନପ୍ରାଣ

ସର୍ବେ ହୁଅନ୍ତୁ ମହାନ ।

ଆଜିର ସାଧାରଣତନ୍ତ୍ର ଦିବସେ

କରିବା ବଜ୍ରଶପଥ ।

ଗଣତନ୍ତ୍ରର ପୂଜାରୀ ଭାବରେ

ଅମ୍ଳାନ ହେଉ ଭାରତ ।