ଆହେ ଚକାଆଖି

କୁହ ଚକାଆଖି କାହିଁକି ମଉନେ

  ଅଣସର ନେଲ ବରି

ସତରେ ତୁମକୁ ଜ୍ୱର କି ଆସୁଛି

  ନା ମାନବୀୟ ଲୀଳା କରି ?

ଦାରୁବ୍ରହ୍ମ ପ୍ରଭୁ ଦାରୁର ମୂରତି

   ତାକୁ କେଉଁ ରୋଗ ହେବ ?

ମୁଁ ସିନା ମଣିଷ ଭରା ହାଡ ମାଂସ

   ସବୁ ବ୍ୟାଧି ମତେ ହେବ !

ପାଞ୍ଚ ଟଙ୍କାରେ ମୋ ଡାଲମା ଭାତକୁ

  ପଚିଶି ଟଙ୍କାରେ ଓଷ,

ଜଡି ବୁଟି ଆଉ କାମ ଦେଉ ନାହିଁ

  ଫୁଲୁରୀ ତେଲ ମାଲିସ,,

ପାଣି ପବନଠୁ ଧାନ ଚାଉଳ ଯା

  ସବୁତ ହେଲାଣି ବିଷ

ନିଃଶ୍ୱାସଟା ଏବେ ବନ୍ଧା ପଡିଅଛି

  କରେ ମହାମାରୀ ଗ୍ରାସ ।

ତୁମ ଅଣସର ପନ୍ଦର ଦିନକୁ

  ମୋର ହେଲା ଦୁଇ ବର୍ଷ

ତଥାପି ପ୍ରଭୁ ହେ ପାରୁନି ମୁକୁଳି

  ସଂସାର ଲାଗୁଛି ବିଷ