ଆଧୁନିକତା

ଆଧୁନିକତାର ପାହାଚ ଯିଏ ସ୍ପର୍ଶ କରିଛି

ନୂଆ ଏକ ଯୁଗ ଦେଖିଛି

ନିଜକୁ ନୂଆ କରି ଗଢିଛି ॥

ଆଧୁନିକତାର ରସକୁ ଯିଏ ପାନ କରିଛି

ଅତୀତକୁ ଭୁଲି ଯାଇଛି

ଆଗକୁ ଅଗ୍ରସର ହୋଇଛି ॥

ଆଧୁନିକତାର ଛାପ ଯା ଉପରେ ପଡ଼ିଛି

ପାଶ୍ଚାତ୍ୟର ମହୁ ଚାଖିଛି 

ସ୍ଵଦେଶୀ ଜିନିଷ ଦୁରେଇଛି ॥

ଆଧୁନିକତାର ଲୋଭ ଯାହାକୁ ଗ୍ରାସ କରିଛି 

ସ୍ଵାର୍ଥ କୁ ଆଗରେ ରଖିଛି 

ପରର ଉପକାର କୁ ଭୁଲିଛି ॥

ଆଧୁନିକତାର ନଦୀରେ ଯିଏ ବୁଡି ଯାଇଛି 

ମିଛର ଆଗରେ ନଇଁଛି 

ସତ୍ୟକୁ ପଛରେ ଛାଡିଛି ॥

ଆଧୁନିକତାର ଦୋଳିରେ ଯିଏ ଝୁଲୁ ଅଛି 

ପଇସା ଗଦିରେ ଶୋଉଛି

ଦାନ ବେଳେ ଆଖି ବୁଝୁଛି ॥

ଆଧୁନିକତାର ଚେହେରାକୁ ଯିଏ ଚିହ୍ନିଛି 

ବିରୋଧୀ ମଣିଷ ସାଜିଛି 

ଅଦରକାରୀ ପାଲଟି ଯାଇଛି ॥