निसर्ग पुष्प

निसर्ग म्हणजे पर्यावरण अन् पर्यावरण म्हणजेच सभोवतालचा निसर्ग.त्याचे अभ्यास करणारे शास्त्र म्हणजे पर्यावरण शास्त्र होय.*सजीव आणि निर्जीव घटकांचा परस्पर अंतर्गत असणाऱ्या संबंधांचा अभ्यास करणे,म्हणजे पर्यावरणशास्त्र होय*.यामध्ये प्रामुख्याने भौतिकशास्त्र, रसायनशास्त्र, जीवशास्त्र,अभियांत्रिकी,भूगोल,तंत्रज्ञान,अर्थशास्त्र,समाजशास्त्र,नीतिशास्त्र, इतिहास,कला यांचा समावेश होतो. यामध्ये पर्यावरणाचा अभ्यास करणे आणि पर्यावरणीय समस्यांचे निराकरण करणे हा मुख्य उद्देश आहे.पर्यावरणावर प्रामुख्याने दोन घटक परिणाम करतात, ज्या मधील पहिला घटक सजीव आणि दुसरा घटक निर्जीव आहे.सजीवांमधील आंतरक्रिया पर्यावरणावर परिणाम करतात.दिवसेंदिवस वाढत असलेली लोकसंख्या,त्यामुळे वाढत चाललेले शहरीकरण आणि यासाठी होत असणारे जंगलतोड यामुळे नैसर्गिक साधन संपत्तीचा साठा संपत आहे.दिवसेंदिवस वाढत चाललेले जंगलतोडीमुळे जंगलात राहणाऱ्या वन्यजीवांचे हाल होत आहे.त्यामुळे वन्यजीवांचे साखळी विस्कळीत होत आहे.यात काही प्रजाती नष्ट झाल्या आहेत.त्याचबरोबर दिवसेंदिवस मोठ्या प्रमाणावर औद्योगीकरण केले जात आहे, या औद्योगिकीकरणात जल प्रदूषण,वायू प्रदूषण,आणि ध्वनी प्रदूषण मोठ्या प्रमाणावर होत आहे.याच्या व्यतिरिक्त नैसर्गिक आपत्तींमुळे पर्यावरणाचे नुकसान होते.यामध्ये प्रामुख्याने भूकंप, चक्रीवादळ,वणवा,ढगफुटी,दुष्काळ यांचा समावेश होतो.हे थांबवायचे असेल तर,ते आपल्याच हातात आहे अजून ही वेळ गेली नाही,वेळीच सावध व्हा! पर्यावरणाचे संरक्षण करा.