वंचितांच्या रक्षणार्थ ये भीमा!
वंचितांच्या रक्षणार्थ ये भीमा!
भीमा देऊन शिक्षणाचा हक्क
दिसली ज्यांना मीठ नि भाकर !
तेच काही स्वार्थी शिकून मूठभर!
विसरले तुमची शिकवण, तुम्हांला!
जे स्वत:च बनले सरकारी चाकर !
तेच शिकवलं यांनीही मुलाला!
दुसरं काही दिलं या समाजाला?!
विसरले समाज, स्वआत्मभान,
संस्कार नि तुमच्या विद्वत्तेला!
तुमच्या नंतर कधी खरा ज्ञानपिपासू
नि प्रखर ज्ञानसूर्य नाही तळपला !
आजही गरजच आहे समाजाला!
तुमच्या सारख्याच महामानवाची
वर काढू शकेल पददलित समाज जो
आहे अद्याप खोलवर गाळात रूतलेला!
जो खरंच वैतागलाय भ्रष्ट राजकारण
करणा-या ढोंगी नेत्याला!
त्यांच्या हक्क,व्यथा,गा-हाणं न
ऐकताच वेदनांचं गाठोड फक्त
नावाला वेशीवर टांगणा-याला!