वन माधुरी
वन माधुरी
1 min
229
दूर कोकिळा बनात गाई
मंजुळ मुरली कानात
गायी गुरे अन पशुपक्षीही
आनंदीत या रानात
खळ खळ निर्झर वळत डोंगरा
झेपावतसे तोऱ्यात
शुभ्र फुले हि पसरत जाती
दूरदूरच्या गावात
रंग रंगीले पंख सानुले
फुलं फुलांवर भिरभिरती
पंख पाचूचे पसरुनि करीती
मयूर सुंदर नृत्य किती
दृश्य वनीचे रम्य मनोहर
स्वप्नाहूनि ते सहज सुंदर
हिरवी धरणी निळे अंबर
ओढ लाविते मला निरंतर