विषय:- कोजागिरी पौर्णिमा
विषय:- कोजागिरी पौर्णिमा
कोजागिरी पौर्णिमेची आली
रात्र शरदाचं चांदणं माळून |
कैवल्याच्या चांदण्याला चकोर
भूकेला जात असे भाळून | | १| |
को जागर्ति? कोण जागे विचारत
देवी लक्ष्मी करी पृथ्वीवर संचार |
सजग व्यक्तीस आरोग्य, धन देई
लक्ष्मीमाता दिसता संस्कार | |२| |
आतुर जो ज्ञानासाठी सदा राही
जागृत ठेवून प्रसन्न मनाला |
शीतल चंद्र प्रकाशातल्या दूधाचं
प्राशन आरोग्य देई तनाला | |३| |
कोजागिरी पौर्णिमेस उत्साह,
आनंद संचारतो जनाजनांत |
अध्यात्माच्या सवे आरोग्य नांदे
संगीताच्या साथीने तनामनांत | |४| |
कोजागिरी पौर्णिमेला उत्साह आनंदाने सण साजरा करत जागे राहाणा-यांना सजग ,जागृत अशा ज्ञानपिपासूवृत्तीच्या भक्तांना लक्ष्मी देवी,धन, आरोग्य प्रदान करते तीच अख्यायिका ह्या कवितेतून वर्णन केली आहे!