विषय:-आमचे पंढरीचे वारकरी!

पंढरीचे आमचे वारकरी|

शोभे दिंड्या पताका करी||१

पालखी मिरवती खांद्यावरी|

 तुृळस घेऊन डोक्यावरी||२

जाती माहेरासी पंढरी|

ओढ विठुरायाची अंतरी||३

तिष्ठत परब्रह्म उभे विटेवरी|

दोन्ही कर ठेवूनी ते कटेवरी||४

घेऊनिया टाळ मृदंग करी|

गळा माळ होती माळकरी||५

भजनात दंग होता टाळकरी|

आषाढी कार्तिकी करुन वारी||६

पाहे वाट सावळया महाद्वारी|

आलिंगन भेट घेती उराउरी||७

सावळा व्यापून राहे चराचरी|

त्यांचे कष्ट दु:ख पांडुरंगच हरी||८

आस राहो भेटीची मनी निरंतरी|

नाते अभंग ते जन्मजन्मांतरी||९