उत्तर हवे

आशा निराशेच्या हिंदोळ्यावर

मन स्थिर तरी कसे व्हावे..

स्वप्नांच्या उजाड बागेवर

फुल तरी कसे फुलावे..??

नभ धरेच्या मिलनास

का सागराने साक्षी राहावे..

क्षितीजातले आभासी रंग

का नभाच्या अक्षी सजावे..??

सागराच्या विशाल खोलीत

का लाटांनी नित्य मग्न राहावे..

मदमस्त लाटांच्या तडाख्यात

का किनाऱ्यानेच भग्न व्हावे..!!

माझ्या मनाच्या प्रश्नापुढे

का उत्तराने निरुत्तर व्हावे..

प्रश्न अनाठायी उठत नाहीत

त्यांनाही त्यांचे उत्तर हवे.