तू आईला विसरला....

परगावात तू आईला विसरला 

सांग तुझा जीव का नाही गहीवरला....

अश्रूंचे मी एकटी वेचते काटे 

आई वाचून होतात का तुझे तोटे 

असा कसा तू रे एकटाच सावरला.....

मनात माझ्या बाळा तुझा वास

मायेविना तू करे पैशाची आस

तुझ्या आईने रे राग आहे आवरला....

तुझ्या आठवणींत घासात खडा 

आईचा रे तुझ्यासाठी जीव वेडा 

येशील का घरी माझा जीव घाबरला....

संगम बस झाल तुझ लातूर 

आईचा जीव तुझ्यासाठी आतुर 

माझा लाल तू माझ्या पोटी अवतरला.....