तुला कळणार नाही

तुला कळणार नाही

व्यथा हळव्या मनाची

किती घाव विरहाचे

तूच हाक अंतरीची...१

  किती वेदना असह्य

  बाळा साहल्या जीवनी

  जोजवते रे अंगाई

काळजाच्या ह्या दोरीनी---२

तुला जपले डोळ्यांत

केला हाताचा पाळणा

तुझ्या सुखासाठी त्याग

किती सोसल्या यातना....३

सुखी व्हावा बाळ राजा

हीच हाक ममतेची

क्षण दुःखाचे न लाभो

होवो पहाट सुखाची....४

 माया वेडीच आईची

तुला कळणार नाही

जरी जगाचा तू स्वामी

 मोल ममतेला नाही---५