आई समजून घेताना
आई समजून घेताना
*जो गेला नाही आई नगरी*
*कशी समजेल तया प्रेमनगरी*
*आई विसावले हृदयात तुझ्या*
*जन्माचे भाग्य लाभले तुझ्या उदरी....*१*
*आई समजून घेताना आठवे रमाई*
*पतीधर्म निभावताना गमावले बाळाला*
*कळा पुत्रवियोगाच्या अनंत सोसून*
*जगतकल्याणी ,आई देणं सहनशीता त्यागाला*.....२
*आई झरा रखरखत्या वाळवंटातला*
*तृष्णा शमवी निस्वार्थी ममत्वाने*
*प्रेम सरिता खळखळ वाहताना*
*आटत नाहीं वात्सल्य,भावनेने*...३
*धडपड करी हिरकणी बाळासाठी*
*बुरुज चढून हिमतीने गाठले शिखर*
*संदेश मातृत्वाला, ओढ ममत्वाची*
*जग निर्मितीचा एकच त्यागमय उदर*...४
*आई एक मंत्र,एक धागा,एक ग्रंथ*
*पावित्र्य,चैतन्य,संस्कार टिकवून ठेवणारा*
*एक वटवृक्ष, एक कणा, एक खांब*
*कठीण समयी ताठ उभा राहणारा*....५
*आई पुस्तक सहज वाचता येणार*
*आई अशी शिदोरी जन्माची*
*सरतही नाही, उरतही नाही*
*मर्म काळजातील,साथ स्पंदनाची*....६
*घराची ज्योत सदा तेवत राहणारी*
*आशेने निराशेला सम्पवणारी*
*संसाराची ऊर्जा बळकटीची*
*कळ सोसी नवनिर्मिती करणारी*...७
*अखेरच्या श्वासापर्यंत साथ न सोडणारी*
*ममतेचे सिंदूपात्र शान कर्तव्याची*
*आई नाम जपावे सदा मुखाने*
*भूवरी घावली पंढरी वात्सल्याची*...८