तुझ्या दर्शनाला

तुझ्या दर्शनाला येतो 

भक्तिभाव घेवून

पण बाप्पा तुझे कार्यकर्ते 

जाती भाव खाऊन

तासनतास मी लाईनीत उभा 

जीव जातो कातावून

धनदांडग्यांना ते सोडती 

का मागल्या दारातून

चढाव्याचा देवा तुला 

सोस मुळीच नाही

पण कार्यकर्त्यांच्या वागण्याला 

कुठे पायपोस नाही

ही जीवघेणी रेटारेटी 

मी करू कशापायी

भरून आहेस तू देवा 

सृष्टीत ठाई ठाई

उत्सव झाले गल्लाभरु 

तुम्ही विचार साधा करा

भुलू नका हो गर्दीला 

तुम्ही मनी पूजन करा