तो प्रयत्न

नेत्रांवरती तरारणाऱ्या

त्या अविरत भावनांची

सांगड घालण्याचा तो निष्फळ प्रयत्न

मनाच्या कप्प्यावर

टप टप बरसणाऱ्या त्या आठवणींना

पुसून टाकण्याचा तो प्रयत्न

चातकाप्रमाणे ओढ लागलेल्या

त्या नवनवीन स्वप्नांना

साकारण्याचा तो अतोनात प्रयत्न

सारं काही विसरून

बेधुंद उनाड वावरणाऱ्या मनाला

पुन्हा जाग करण्याचा 

तो आनंदी प्रयत्न

अशक्य वाटणाऱ्या गोष्टींना 

शक्य करून दाखवण्याचा

तो धडाडीचा प्रयत्न आणि फक्त प्रयत्न