पाऊलवाट

आयुष्य हे सुखवेडे

मन ते ध्येयवेडे 

आठवणींची साठण

करते पाऊलवाट 

क्षितिजापालिकडे जग पाहण्यास

मन उधाण वाहू लागते 

त्या वाहणाऱ्या मनालाही

सहनशीलता शिकवते पाऊलवाट

सतत पुढे जाणे 

हा एकच नारा तिचा

दुःख मागे टाकूनी

सुखाचा शोध घेते हि पाऊलवाट

रोज नवा आशेचा किरण 

नेत्रांवरती तरंगत

अश्रूंना हि सावरण्याची

जिद्द देते हि पाऊलवाट

माझ्या शेतकरी बापाच्या

स्वप्नांनाही पंख देत

त्याच्या पायाला न बोचण्याची

काळजी घेते हि पाऊलवाट

पडत असेन, रडत असेन

डोळे पुसून पुन्हा उठून

त्याच वाटेवर दिसेन

अपयशयातून शिकवणारी ती पाऊलवाट

पुढे जाण्यास शिकवते 

मागे पाहण्यास शिकवते

पाहिलेल्या त्या चुकांमधून

अलगद सावरायला देते