तिफन

आले अभाय भरून

गाणं गातसे कोकिळा

शेतकरी राजा तुई 

जाऊ दे तिफन माळा ||१||

गाणं म्हणतं म्हणतं

बैलं चालती जोरातं

हल्या बैलाचं औत ते

राम्या वखराले जुपतं ||२||

 काळ भोर ते अभाय

येता ढोल वाजवते

बसुराज्यां...च्या नादान

ईज आनंदी नाचते ||३||

बीज पेरता पेरता

राम गाणं तो म्हणते

ओटी पोटाले बांधून

सखुबाई उनारते ||४||

झाली हिरवी वनराई

सारा वसंत बहरला

माया विठूच्या मयानं 

शालू हिर्वा पांघरला ||५||

झाला आनंदी आनंद

गगणात मावेनासा

गाती आनंदाने सारे

हर्ष झाला संतदासा ||६||