तिळगूळ
तिळगूळ
1 min
492
तिळाचा दाणा साखरेला म्हणाला
तुझ्याशिवाय नाही गोडवा मला
साखर म्हणाली तूच भावला
तुझ्याशी सलगी आवडेल मला
तिळाचा दाणा खूपच लाजला
साखरेला पाहून कोपऱ्यात बसला
साखरेला मग रागच आला
तिळाला म्हणाली कुठे शोधू तुला
तिळाचा दाणा पुढे आला
साखरेला तो अलगद बिलगला
साखरेचा स्पर्श चिकट झाला
तिळाला म्हणाली नाही सोडणार तुला
तिळाचा दाणा असा काही फुगला
साखरेसोबतच नांदू लागला
संक्रातीचा सण आला
तिळगूळ एकत्र फिरू लागला
हातात हात देवू लागला
प्रेमाचा संदेश चौफेर पसरला.