तीन दांडू एक चेंडू

क्रिकेट म्हणजे एक

वेड्यांचा खेळ आहे

त्याच्यासाठी प्रत्येकाकडे

वेळच वेळ आहे

सोडून हातातली कामे

नोकरीला दांड्या मारतात

विराट किती खेळणार म्हणून

पैजेवर पैजा मारतात

धोनी द्रविड सेहवाग

यांचे आहेत देव

सचिन म्हणजे सगळ्यांच्या

हृदयातली ठेव

भारत पाकिस्तानची मॅच

प्रसंग युद्धाचा होतो

सगळेच एक होतात

देश योद्ध्याचा होतो

तीन दांडू एक चेंडू

आणि प्लेयर बारा

गल्लोगल्ली खेडोपाडी

वाहतो क्रिकेटचा वारा

वर्ल्ड कप येताच

लागते साऱ्यांना ओढ

साहेबांच्या या खेळाने

जगास लावलय वेड