स्वामी

श्री स्वामी समर्थ। मंत्र एक पुरे।

भीती नसे उरे। मनामध्ये॥१॥

स्वामींची ममता। भिऊ नको भक्ता।

काळजीचा मक्ता। माझ्याकडे॥२॥

गाणगापुरात।ब्रह्मांडनायका।

निर्गुण पादुका। स्थापलेल्या॥३॥

दत्त अवतार। दत्त थोर संत।

कर्दळी वनात। प्रकटले॥३॥

मुंग्यांचे वारुळ। स्वामी अंगावर।

कुऱ्हाडीचा वार। उध्दवाचा॥४॥

भक्तांच्या कल्याणा। स्वामी प्रकटले।

दैव उध्दरीले। सकलांचे॥५॥

स्वामीं असे पाठी। निर्भय रे मन।

अवघाची जन। भीतीमुक्त॥६॥

जिथे स्वामी वास। तिथे नसे कमी।

सुबत्तेची हमी। प्रारब्धात॥७॥