संसार (प्रत्त्येक शब्द स ने)

👉🏻 प्रत्येक शब्दाची सुरूवात “ *स* " च्या बाराखडीत

संसारात स्थितप्रज्ञ

संस्कारीच सावरतो!

सागरच सामर्थ्यवान

सरीतेतच सापडतो!! १

सुखी संसार सोपा, सुलभ

स्वयंपूर्ण सर्व समावेशक!

संसारात सारच संपलेला

सर्वस्वी सत्यानाशक!! २

समयी स्वयंप्रकाशी सर्वतोपरी 

सतत संगत सुखांची साहवेना!

सतार सुस्वर, सहज सामर्थ्यशाली

स्वप्न साकारेना, सूर सापडेना!! ३

सत्य सुंदर संगीत सजवावे

सुहास्य स्मित सांडोनी !

संसार साकारावा सांभाळून 

सारथ्य संत सांगोनी ! ४

संसारात सारं सामावलेले. सुख, समाधान, सुंदरता, सहनशीलता, संपन्नता, संदिग्धता, स्वच्छंदीपणा.