सकाळची झोप
सकाळची झोप
रात्र माझी मस्तीत जाते
अगदी परीच्या कथेसारखी
सकाळ झोप झोप म्हणते
सुट्टीच तर आहे कर मजा
थंडगार वारा लोळायला
रोजच पाडतो भाग मला
थंडी माझी आवडती राणी
जिची मी राजकुमारी न्यारी
झोपेचा मोह नाही आवरत
दिवसभर करणार काय
मग झोपेशी जमते गट्टी
ती खुशाल घेते कवेशी
सकाळी माझ्या नावाचा
आगडोंब चाले मोठा
सगळ्यांचे आळशीपणाचे
मलाच का हो धडे
आता ठरवले उठणार लवकर
पक्ष्यांचा किलबिलाट बघणार
बागेतल्या पाखरांशी खेळणार
घरात सगळ्यांना मदत करणार
पुस्तकांची फार आवड मला
चित्रांचा खेळ खूप भावतो मला
सायंकाळ मित्रांसोबत घालवणार
आनंदीआनंदात उद्याची वाट पाहणार