शरदाच चांदणं

आनंदाच्या उत्सवात

न्हालं शरदाच चांदण

लख्ख चंद्र प्रकाशात

उजळलं माझ आंगण

   दुधात हसरा चंद्रमा

   डोकावला नभातूनी 

   सुखद हसरी नाती सारी

    जपली हळूवार मनातूनी

चंद्रसाक्षी हा तारकांचा

हुरळला आज प्रेमातुनी

चैतन्याचे मोहक चांदणे

शिंपूनिया अंतरंगातुनी

    धुंद हवाही साद घाली 

    प्रीत बावरी होऊनी

    मोहकशा चांदण्यात सजे

     महफिल ही गायनातुनी

कोजागिरी पोर्णिमा ही

बासुंदीची साथ करूनी

आयुष्याचे क्षण हे हसरे

लाभो तुम्हा सदैव जीवनी