शब्दसाधना

शब्द असतात वेंधळे

करतात नकळत घात क्षणाचा

फुटते मनालाही पाझर जेव्हा

होतो शब्दरूपी संवाद प्रेमाचा

भावना होतात अनावर

जेव्हा शब्द होतात उग्र

त्रास त्याक्षणी होतो त्याचा

जे करतात आघात शस्त्ररूपी मनावर

शब्द होतात सूर ही

नाळ जुळलं जेव्हा मनाशी

शब्द होतात बेसुरही

द्वंद्व करतात जेव्हा नात्यांशी

शब्दांचा हा खेळ सारा

घडतो मनात क्षणाक्षणाला

उमटतात मग पडसाद ही

तयाचे मेळ घालत भावनेला

शब्द होतात सार ही

केली जाते जेव्हा शब्दांची उपासना

भेटते तयांना मूर्तरूप

पूर्ण होते तेव्हा काव्य साहित्याची

"शब्दसाधना"....