शब्दाचे वार
शब्दाचे वार
1 min
224
वेदनादायी बहु शब्दाचे वार
देवीच्या भक्तीत आजचा वार
संगरी जवानांचा शत्रूवरी वार
प्रित कटाक्षाने केला हदयी वार १
शब्दाच्या गावात भावना उतरली
व्यथित मनातून प्रिये तू उतरली
जळात धुंद नाचत राधीका उतरली
गुरुच्या कसोटीवर बालके खरी उतरली २
तुझ्या प्रेमात झालो पुरता ठार
निरपराधाला करू नये उगा ठार
महागाईने सामान्य होतोय ठार
कलीयुगात या माणुसकी झाली ठार ३
शब्द शब्द जोडूनी काव्य घडले
सुखदुःखाशी झगडत जीवन घडले
अवचीत तूझ्या विरहाचे दुःख घडले
विद्येच्या आधारे व्यक्तिमत्त्व घडले ४