सावित्री: पुराणातील व कलियुगात

सत्यवानाचे यम घेऊनी जाता प्राण ।

त्यजूनी मानवी मर्यादा सतीचे लेेऊनी वाण | |१| |

 

वाट धरली यमसदनाची धीट सावित्रीने नीट |

नाईलाजाने प्राण परत करी सोडूनी यमरीत | |२| |

चीर निद्रेतुनी ऊठूनी पाही सावित्रीस सत्यवान |

सावित्री पत्नि शोभे त्याला खरी पुण्यवान | |३| |

आचरती स्रिया व्रत स्मरूनी तो विधी विधान |

त्रिलोकी धन्य जाहले सावित्री व सत्यवान | |४| |

वडपुजा,सात प्रदक्षिणा सातजन्म लाभो साथ पतीची म्हणून | 

अनन्यभावे आजही स्रिया करती वटपौर्णिमा व्रतस्थ राहून | | ५ | |

तद्वत कलियुगात त्रिवार वंदनीय जोतिबा सावित्री दोघेजण |

जोतिबाची फुल्यांची ती सावित्री पत्नी राही सावली होऊन | |६ | |

जोतिबांनं तिच्या ज्योत पहिली स्रीशिक्षणाची लावली |

बाणेदारपणे सनातन्यांविरोधात ती ही झुंजली माऊली | |७| |

चीजवस्तूसमान जीणं ते सोडून स्री ती शिकली |

प्रत्येक क्षेत्रात तेंव्हाच समर्थ ही ठरली | |८| |

दाविला सन्मार्ग स्रीला सावित्री,जोतिबांनी |

वंदनीय आदर्श ठरल्या सावित्री त्या दोन्ही | |९ | |

पती सेवेत होत्या दक्ष त्याच समर्थ व स्वामिनी |

नित्य स्मरा सावित्रींना स्रीयांनो या मुक्तीदिनी | | १०| |

पतीच्या मागोमाग चालल्या पथ त्या ही अनवाणी |

पुजनीय यशस्वी ठरल्या ख-या सौभाग्यकांक्षिणी | |११| |

             

पुराणातील सत्यवानाची सत्वशील पत्नी सावित्रीने वडाच्या झाडाखाली मेलेल्या पतीचे प्राण साक्षात यमराजा कडून परत मिळवले. कलियुगातील ज्योतिबांच्या धर्मपत्नी सावित्रीबाई फुले यांनी सनातन्यांचा छळ सोसून पतीचे स्रिशिक्षणाचं कार्य पूर्णत्वास नेले.दोन्हींचा गुणगौरव केला आहे.