सारे आकाश माझे

तुझ्या हाती पाळण्याची दोरी

वाटेवरच्या काचा, पावलं रक्तबंबाळ

विश्वासाचा सूर्य, डोळ्यातलं अंगार

वाटेला आलं अर्धे आभाळ //१

काही दुःखाची, काही आनंदाची

संपली तुझी जूनी पानगळ

झुगारून नकाराची घंटा

संपवलीस तू मनाची मरगळ //२

पुरूषी अहंकाराला रिजवत पचवत

वाढवल्यास प्रत्येकीच्या आशा

चंग बांधून मनाचा

केली पादाक्रांत हर दिशा //३

घेतली भरारी 

     पुन्हा नव्याने

जिंकून जग सारे

    पाय रोवले तू जोमाने //४

तुझ्या आव्हानाला 

    सज्ज आभाळ सारे

पहाटेची नक्षी 

  कवेत कर्तृत्वाचे तारे //५