साईनाथा

शिर्डीत अवतरूनी साईनाथा

धर्मनिरपेक्षतेची गायली गाथा

देव सर्वांचा आहे एक

संदेश दिला असा नेक

द्वारकामाई स्व हातांनी सजविली

सर्व धर्मांना दारे उघडविली

भिक्षा मागून दारोदारी

गरीबास मदत घरोघरी

जरी दिला कुणी शिव्याशाप

मोठ्या मनाने तुम्ही केले माफ

श्रद्धा सबुरीचे महत्त्व पटविले

स्वच्छता आरोग्याचे धडे गिरविले

श्रीमंत गरीबीची दरी मिटविली

अनंत काळासाठी धुणी पेटविली

पशूपक्षांना दिला निवारा

भक्तांना असतो साईंचा सहारा

शिर्डीचा जसा कडुलिंब गोड

साईंस नाही जगात तोड

जय जय जय साईनाथा

तूच एक साई सर्मथा