रिमझिम पाऊस
रिमझिम पाऊस
1 min
245
रिमझिम रिमझिम पडतो पाऊस
आई म्हणते पावसात नको जाऊस
मला तर भिजायची खूपच हौस
घरात राहावं वाटेना बनून माऊस
शाळा नाही मित्र नाही काय मी करू
चला पावसात कागदाची होडी सोडू
घरातच बसून आलंय फार कंटाळा
पावसासोबत जरा खेळू दे ना मला
तुम्ही सारेच असता कामात व्यस्त
तुमचा सरतो सगळाच वेळ मस्त
थोडंसं वाचावं नि थोडंसं लिहावं
की वाटतं थोडा वेळ खेळ खेळावं
आईचा त्याला सुद्धा असते नकारघंटा
खिडकीतूनच करतो पावसाला टाटा
नुसतं बघल्याने सांगा मजा येईल का ?
खेळले नाही मुलांनी तर वेळ जाईल का ?