लाइब्रेरी
प्रोफाइल
रानगंध
रानगंध
1 min
328
येई आभाळ भरुन
होई मनामधी खुशी
रान पेराया निघतो
स्वप्न बांधून उराशी
येता मिरगाची सर
दरवळे रानगंध
खुणवितो रानवारा
झुळूझुळू वाहे मंद
मेघराजा बरसला
मायभूमी सुखावली
पसरला रानगंध
शालू हिरवा नेसली
रान हिरवं हिरवं
फुलू लागला रे मळा
येई धावून पाखरं
नित्य भरु लागे शाळा
रान शिवार फुललं
पक्षी गाऊ लागे गाणी
कानी येता कुजबूज
मन येतं रे भरुनी
