राजा माझा, तुमचा, आमचा

युगानंतर युगे युगे

आठवेल तुला राष्ट्र

सह्यगिरी सांगेल कथा

आणि मुजरा करेल महाराष्ट्र....||

न्याय नितीचा धडा मिळाला

जिजाऊंच्या संस्कारातुनी...

स्वराज्य स्वप्न मनी बांधले

सळसळ नसा नसामधुनी...||

स्वराज्य संकल्पना पित्याची

सत्यात उतरवण्या तुला...

प्रेरणा जिजाऊंची सदैव

लाभली राजा तुला...||

इशाऱ्यावर जीव देणारे

लाभले मराठमावळे तुला...

तवाच कुठं रयतेने इथल्या

स्वराज्य सूर्य पाहिला...||

पुण्यप्रतापी शिवछत्रपती

पावन झाली इथली माती

गीत महतीचे खडकामधुनी

गाती कालची गवतपाती....||

धैर्य तुझे शौर्य तुझे कावा तुझा

वंद्य वंद्य छावा तुझा....

नीतीन्यायाचा आदर्श तू

अन् कणाकणाचा हर्ष तू....||

नर नारी वा असो कृषक

तूच तयाचा वाली नि रक्षक

तुझ्या भरोसी भाग्य उजळले

तुज देखता जीवन कळले...||

जातीपातीचा न बोलबाला

स्वामीनिष्ठ देशभक्त मावळा

तू असणे जीवापरी प्यारे

दरबारी तुझ्या कैक मोहरे...||

गनिमास न कळे तुझी निती

तव उमगली ना रयतनाती

बाजी जीवाची लावी बाजीप्रभू

ताना लढला वंदूनी शिवप्रभू...||

ऱ्हदयाठायी तुझे वसणे राजा

रोज अंतरी तुझी बांदतो पूजा

देव नाही परी दैवत माझे

मनमंदिरी असणे साजे..||