प्रेमाचा रुसवा
प्रेमाचा रुसवा
लाडाची राणी तू माझी
का रुसलीस माझ्यावर ,
सांग ना प्रेयसी तुझा
विश्वास नाही का प्रेमावर !!
का रुसलीस तू अचानक
सांगशील का मजला ,
नको अबोल राहू ना तू
कसं समाजावू मी तुजला !!
तुझा असा हा अबोलपणा
माझ्या काळजाला भिडतो ,
तुझ्या आठवणीने सारखा
मीच माझ्या मनात रडतो !!
प्रेमात असावे रुसवे फुगवे
कधी मुखी शब्द येती कडवे ,
जीवापाड प्रेमाच्या बंधनात
चेहरे होतात कधी कधी रडवे !!
आपल्या प्रेमाची शपथ तुला
सोडशील ना हा तुझा रुसवा ,
माझ्या जवळ बोलण्यासाठी
चेहरा करशील ना तुझा हसवा !!