प्रेमाचा रंग

सख्या साजना मी लावला तुझ्या प्रेमाचा रंग

डोळ्यात काजळ लावून शोधे तुला दासी 

तूच माझ्या सात जन्माचा सख्या प्रवासी 

साधे भोळे नखरे पाहून माझे सारे झाले दंग

माझ्या आशा तुझ्या नावी केल्या 

तुझ्या आठवणी ना माझ्या गावी आल्या 

माझ्या निर्मळ प्रेमाचा तू करू नको भंग

तुझी शायरी रे माझ्या प्रेमाचा मान 

माझ्यावर लिहून तू केला माझा सन्मान 

सारे आहेत रे सोबत पण तू ना माझ्या संगं

ह्या वेडीचा श्वास तुझ्यापुढे थांबतो 

संगम तूच माझे सुखदुःख जाणतो 

गाऊ दे मला जन्मभर तुझ्या प्रेमाचा अभंग