प्रेम

 ‌‌‌‌‌‌‌प्रेम धागा विश्वासाचा

ताबा घेणारा मनाचा

सहजच बोलून जपणारा

स्पर्श तुझा जीवनाचा

हळुवार शब्दसाद

आणि कोमल ती वाट

आनंदाचा दाट मळा

अनोखाच त्याचा थाट

नात्यातली मजबूत

अदृश्यहि प्रेमकडी

ठेवी बांधून सर्वांशी

मजल्यांची मोठी माळी

स्पर्श नजर भावना

रचतात पक्का पाया

दूर जाऊ देत नाही

अशी घट्ट त्याची माया

ह्रदयातील विचारांना

दिशा दाखवी ते प्रेम

फक्त निस्वार्थीपणेच

दिले जाते हे सप्रेम