नशीब...
नशीब...
1 min
306
किती वाचून झाली भूतकाळातील पाने
तेच तेच उगाळत नशिबाला दोष देणे !
पुरे झाले आता...असे कुढत जगणे
आतल्या आत झुरत मनाची घुसमट करणे !
फार सोपे असते नशिबाला दोष देत जगणे
अवघड असते ते स्वतःला सिद्ध करून दाखवणे!
उठा चला करूयात नवीन अध्यायाला सुरुवात
निराशेच्या अंधारात आशेची पणती लावूयात !
आपले नशीब आता आपणच घडवायचे
पाहिलेल्या स्वप्नांना जिद्दीने साकारायचे !
समस्यांवर मात करून संकटांशी लढायचे
आपल्या कर्तृत्वाचे तेज या जगाला दाखवायचे !