नाते मैत्रीचे

प्रत्येक नातं असावं

निखळ मैत्रीसारखं

प्रत्येकाने जोपासावे असे

दूधात साखरेसारखं

हेवेदावे नसावेत कधीच

कुठल्याच सुंदर नात्यामध्ये

भिंत काय कामाची कोणतीच?

दोन निर्मळ मनांमध्ये

प्रेमाने अन् मायेने जपावे

दोन्ही घरातले प्रत्येक नाते

मग बघा कोण तुम्हांला

स्वार्थी अन् मतलबी म्हणते

नाते सुंदर मैत्रीचे

जपावे प्राणपणाने

कृष्ण सुदाम्यासारखे

एक असावे मनाने